മാതൃഭൂമി വിഷുപ്പതിപ്പ് സാഹിത്യമത്സരം; അശ്വനിക്കും വിഷ്ണു പ്രിയയ്ക്കും കവിതാ പുരസ്കാരം
കോഴിക്കോട്: മാതൃഭൂമി വിഷുപ്പതിപ്പ് കഥാമത്സരത്തില് കെ എല് എഫിലും സ്പേസസിലും സഹകരിച്ച അശ്വനി, വിഷ്ണു പ്രിയ എന്നീ വിദ്യാര്ത്ഥിനികള്ക്ക് കവിതാ പുരസ്കാരം. അശ്വനിയുടെ 'നീലച്ച ഒരു കാട് പ്രളയത്തിലകപ്പെടും വിധം', വിഷ്ണു പ്രിയയുടെ 'മടങ്ങിത്തുടങ്ങുമ്പോള്' എന്നീ കവിതകള് യഥാക്രമം ഒന്നും മൂന്നും സ്ഥാനങ്ങള് നേടി.
തിരുവനന്തപുരം സര്ക്കാര് വനിതാ കോളേജിലെ മലയാളം എം.എ. വിദ്യാര്ഥിനി അനു ഉഷയും ഒന്നാംസ്ഥാനം പങ്കിട്ടു. പട്ടാമ്പി സംസ്കൃത കോളേജിലെ സുബിന് ഉണ്ണി കൃഷ്ണന്, പാലക്കാട് ഐ.ഐ.ടി.യിലെ ഗവേഷണ വിദ്യാര്ഥിനി കാവ്യ പി.ജി. എന്നിവര് രണ്ടാം സമ്മാനം നേടി. കാലിക്കറ്റ് സര്വകലാശാലയിലെ ബി.എ. മലയാളം വിദ്യാര്ഥി അല്ത്താഫ് പതിനാറുങ്ങലും മൂന്നാം സ്ഥാനം പങ്കിട്ടു.
ഥാമത്സരത്തില് ആലുവ യു.സി. കോളേജിലെ മലയാളം എം.എ. വിദ്യാര്ഥിനി കാവ്യ അയ്യപ്പന് ഒന്നാംസ്ഥാനം നേടി. കാലടി സംസ്കൃത സര്വകലാശാലയിലെ മലയാള വിഭാഗം ഗവേഷക വിദ്യാ വിജയന് എഴുതിയ 'ഉറുമ്പുപൊറ്റ' രണ്ടാം സമ്മാനവും കാലടി സര്വകലാശാലയിലെ മലയാളം എം.എ. വിദ്യാര്ഥി ഡി.പി. അഭിജിത്തിന്റെ 'ബ്ലഡ് റവല്യൂഷന്' മൂന്നാം സ്ഥാനവും നേടി.
കെ.എസ്. രവികുമാര്, എന്.പി. ഹാഫിസ് മുഹമ്മദ്, അംബികാസുതന് മാങ്ങാട് എന്നിവര് കഥാവിഭാഗത്തിലും കെ..ജി.എസ്., വിജയലക്ഷ്മി, വീരാന്കുട്ടി എന്നിവര് കവിതയിലും വിധി നിര്ണയിച്ചു.